المكياج والكريمات اللي لازم تشترونهم من سيفورا

[الا صلاتى]

نكمل

سيت قلوسات وحمر من تارت




هذا ديودرانت من derma doctor ما يسبب حساسية ويبيض الابط وهذي نبذة من الوصف ماله Total Nonscents Ultra-Gentle Brightening Antiperspirant, to diminish underarm discoloration and providing extraordinary protection from wetness and odor - all without irritation. بس اللي لاحظته انه مضاد للتعرق وأعتقد انه المضاد للتعرق مو زين




هذي علبة ازالة الشعر من منطقة البيكيني من ماركة bliss وحصريا في سيفورا فيها آلة حلق الشعر "مو نزع" ورؤوس وايد تبعا للمنطقة اللي تبين تحلقين فيها ومعاها كريم مرطب وسنفرة وشرايح تزيل الشعر اللي تحت الجلد ورأس للحواجب تصلح للسفر وبعد بين فترات الشيرة




هذا قلب وفيه عطر صلب من ماركة Missoni




علبة العناية بالاسنان للسفر من ماركة سيفورا فيها فرشة ومعجون صغير وخيوط تنظيف الاسنان flossing وعلبتهم




هذي العلبة من ستيلا للبلش وفيه مثلها للشدو تقدرين تغيرين الألوان اللي فيها وتختارين اللي تبين حسب الطلعة أو للسفر أو مثلا اذا خلص لون واحد منهم ما تضطرين تشترين العلبة كاملة بس اللون اللي ناقصج وهم يبيعون كل لون بروحه اذا تبين من غير علبه يكون أرخص وتحطينه فيها




وهذي البلشرات بروحهم




مقص الحواجب من سيفورا ومعاه مشط صغير




ونكمل

[الا صلاتى]

علبة شدو من توفيسد اسمها candy bar ألوانها حلوة وفي منها ألوان ثانية




سيت من تيد جيبسون عناية بالجسم فيه body shampoo و body conditioner من كذا نوع من الماركة




هذي ليفة للجسم بس طبيعية من اسفنج البحر يقولون الغواصين يايبينهم من قاع البحر وفيه منها ليفة للوجه من ماركة Korres




مجموعة فرش من نارس حاليا حصريا بسيفورا




سيت من لوكيستان يقولون حصري في سيفورا بس أتوقع فترة بسيطة وينزل بكل مكان فيه عطر وشاور جيل وبدي لوشن على cherry blossom




مجموعة عناية بالبشرة منOle Henriksen بالشاي الأحمر يقولون ان في اليابان اكتشفوا ان الشاي الأحمر أحسن من الأخضر والاسود للبشرة ويشد التجاعيد السيت فيه بخاخ للبشرة وكريم التجاعيد وكريم العين




مجموعة أقلام الكحل من سيفورا بعدة ألوان




بخاخ للشعر يعطي كثافة وvolume يزيد من حجم الشعر ويصير شكله كثيف بس هو وقتي مو علاج يعني لما تغسلين شعرج يروح التأثير

[الا صلاتى]

هذي مجموعة من سيفورا للعناية بالفرش

أول شي شامبو للفرش تغسلينهم فيه عادي بس مو كل يوم طبعا لأ على فترات




هذا للاستخدام اليومي ترشينه على الفرش لما تخلصين منهم وينشف بسرعة




هذي مناديل لتنظيف الفرش فيها منظف وتمسحين الفرش فيهم اسمها Brush Cleansing Wipes أحس فكرتها حلوة ومريحة




ماركة Kat Von D بحط لكم كم شغله منها


سيت شدوات





مجموعة فرش




حمرة وطبعا درجات




ايلاينر




هذا من توفيسد ان شاء الله أعرف أشرحه ,,هو يصير مثل اكسسوارات للرموش بس هو مادة لزجة من كذا لون معاها الأداة والصمغ مالها تحطينها على الرموش بالطرف وتصير كأنها jewelry سوري مو عارفة أعبر بس شوفوها بالصورة وفيه كذا لون




هذي انا شخصيا استفدت منها بالسفر موس للحواجب ترتبينهم وتشيلين الزايد وايد مفيدة بالسفر وفيه منها ببوتس بس مالت سيفورا أحسن

[الا صلاتى]

بكمل لكم شغلات على السريع

ملقط من سيفورا وفيه ليت علشان تشوفين الشعر الصغير عدل وفيه نفسه بفافافوم




مشط من سيفورا أليافه طبيعية ومعاه شغله صغيرة تنظفة وتشيل الشعر من عليه




شوفوا هذا لاين سيفورا للحمام موووو طبيعي من ناحية الألوان والأشكال يعني اللي رايح سيفورا راح يفهم اللي أقوله ومقسمين كل لون بروحه وفيه سيتات جاهزة أو mix and match أو علب مخلطة بسامبلز صغيرة للتجربة انا آخذ منهم صوايغ يهبلون وبحط لكم جم شغلة منهم عينات يعني فيه أكثر وااايد وهذي سيتات فيها شاور جيل ولوشن وسكرب وبدي بتر وبدي أويل وببلز رغوة الفقاعات للبانيو

[الا صلاتى]

بنات ماني حاطة لكم صور أغراض ألحين بحط لكم صور محلات سيفورا علشان تفهمون ليش تطقنا البوهه لين دخلنا ,,اعتبروها فاصل اعلاني,,الصور من أمريكا وأوربا وما شفت ملوت الخليج فما أقدر أحكم عليهم اللي شاف يقارن ويقولنا

مشكلتهم يحطون لنا هالألوان بالويه بكل محل دخلته ويشتتون انتباهي وأخذ منهم هدايا وأنسى روحي لأن فعلا تضيعيييين بالألوان شوفوا وحكموا










وما يبونه نقعد فيه يوم كامل خخخ








شرح للأدوات والفرش






شرايكم تهقون فرع الكويت بيكون نفسهم؟؟

[الا صلاتى]

مجموعة مبارد من سيفورا




جل للخدود من DuWop يصير بارد مثل الايس كريم يبرد على البشرة ويعطي لون حلو للخدود




هذا السيت من فريش أول ما شفته استغربت بس لما قريت معلوماته عجبني هو مخصوص للطيارة اسمه In Flight Kit فيه مناديل wipes وماسك وسيرم قبل ما تصعدين الطيارة تمسحين ويهج بالوايبس بعدين تحطين الماسك طبعا شفاف ويحمي من الجفاف اللي يصير للبشرة بالطيارة من التكييف والضغط وهالاشياء ولما توصلين تمسحينه بالوايبس مرة ثانية وتحطين السيرم ينعش البشرة ويشيل آثار التعب وتغيير الوقت والجو والسيرم تحطينه لحد جم يوم من الوصول ,, ممكن أجربه,, انا ما أحط مكياج بالطيارة خاصة بالرحلات الطويلة بس مرطب لكن ألاحظ وايد من البنات فل ميكب فماأدري اذا يعجبكم




ماسكرات من فريش





سيتات شدو وبلشر من stila





lip balm من سيفورا ليميتد اديشن وفيه على زرافة




ونكمل

[الا صلاتى]

سيت للأسنان من Go Smile فيه فرشه وخمس أنواع من المعجون المبيض بنكهات مختلفة مثل الليمون والسينامون وغيرها




كريم حماية من الشمس ماركة سيفورا




مجموعة جاليكسي من توفيسد للشدو





كريستالات البانيو من Korres تعطي ريحة حلوة وتنعم الجسم




هذا كريم من تريشا سوير اسمه Alive تحطينه على أي مكان تحسينه تعبان بالوجه ويعطي لوك صحي فيه زيوت نباتية ولون متورد تحطينه على الخدود أو تحت العين أو الجبهة وحتى يصير على الشعر! وينحط فوق المكياج عادي




ملقط من سيفورا بس على شكل مقص أسهل بالاستعمال




هذا سيت هدية للرجل يعني اذا تبين صوغة حلوة فيها سامبل عطور رجالية وكريم الحلاقة بالاضافة الى voucher يقدر يختار من العطور اللي بالعلبة اللي يعجبه وياخذ منه الحجم الطبيعي "بس واحد" من المحل مو اون لاين وفيه عطور مثل كارولينا هيريرا 212 وجيفينشي وسانت لوران ولاكوست ووايد غيرهم

[الا صلاتى]

الماسكرا هذي يديدة من لانكوم اليوم نازلة بسيفورا حصريا تنباع لحد ما تخلص الكمية وبعدين ما راح تنزل الا شهر 12 اللي فهمته انها تشتغل ببطارية أو شي جذي يعني تشغلينها وهي تدور وترفع الرموش اسمها vibrating infinite power mascara




ماسك للوجه بالروب من ماركة Korres وطبعا معروفه فوائد الروب للبشرة



سيت رجالي للعناية بالوجه من سيفورا فيه كريم وجل للحلاقة ورغوة وماسك على فكرة الرياييل يحبون سوالف الماسكات بس يسوون روحهم ما يهتمون يعني وانتي حاطة ماسك جربي تحطينله ما يقول لأ صج يتحلطم بس ترى مستانس




هذي ماركة مكياج اسمها The Balm حسيتها وااايد تشابه بينيفت وهذي بعض شغلاتها

[الا صلاتى]

أصباغ الأظافر من سيفورا ووااااايد عندهم درجات مختلفة للألوان




سيت من بينيفيت ليميتد اديشن وحصريا بسيفورا فيه البيس وماسكرا باد قال ومنظرة وكحل وملون الشفايف والخدود





بدي بوليش من فريش أفضل المنتجات في سيفورا





مرطب شفايف وفيه حماية من الشمس من juice beauty





جنطة الفرش من توفيسد تنربط على الخصر للمحترفات والميكب ارتست وحلوة لو انتي من النوع اللي تحطين لخواتج ورفيجاتج




شدوات من laura mercier





شاور جل واملاح البانيو من سيفورا قيرلز

[الا صلاتى]

سيت للحواجب من انيستشيا فيه لونين ولمعة لتحت الحاجب وشمع يثبت الحواجب ويعطيهم لمعة وقالب رسم الحاجب وفرشة,, واذا شفتوا مال رونة من تو فيسد أحلى بعد ,, عليها بالعافية




من bliss تقشير بالليل يشيل الخطوط الدقيقة ويوحد اللون عليه ريفيوز حلوة وايد اسمه sleeping peel serum




جل للجسم من بيرفكت وفيه لون ودرجات طبعا يعطي تان و لمعة للجسم ويشد وينعم




هذا فلتر للشاور من جوناثان وهو اصلا خبير بالشعر كان على طول يغسل شعر زباينه بماي صحة لأن يقول الماي العادي يأثر على الشعر والصبغ فاخترع هالفلتر يتركب على الشاور وينقي الماي علشان يصير الشعر صحي ومفيد للجلد بعد بس جنه لازم يتغير كل 6 شهور





علبة للبرونز من سيفورا




كريم للحلاقة "نسائي" من فيلوسيفي على عطرهم grace تحطينه بالشاور على الريل والجسم قبل الموس




سيت Ole Henriksen Three Little Wonders ماخذ جائزة وعليه ريفيوز حلوة فيه كريم يحفز الكولاجين بالبشرة وكريم مرطب وسيرم الليل مع الاستخدام اليومي ينعم البشرة ويشدها ويمليها ويصغر المسام




شدو يديد من كارجو وطبعا فيه بعد ألوان




صبغ للفرنش من سيفورا فيه البيس واللمعة وتشترون معاه القلم الفرنش تيب




ولي رجعة ان شاء الله
لانى تعبت وعسا يعجبونكم وباجر انزلكم الباقى
اختكم الا صلاتى